De etymology is it dielgebiet fan de taalkunde dat it komôf fan wurden bestudearret. De etymology fan in wurd is de histoaryske ferklearring foar de wize wêrop't de foarm fan it wurd ta stân komd is; dêrom wurdt it ek wol de wurdôfkomst (Dútsk: Wortherkunft) neamd.
Ien dy't him mei etymology dwaande hâldt is in etymolooch. Etymologen wurkje faak by útjouwerijen fan wurdboeken en ensyklopedyën.
Ferneamde Nederlânske etymologen binne Jan de Vries (1890-1964) en Nicoline van der Sijs (°1955).
Frysk | Nederlânsk | Dútsk | Ingelsk | Oergermaansk |
---|---|---|---|---|
(nei) ta | (naar) toe | zu | to | *tō- |
tsien | tien | zehn | ten | *tehun |
tiid | tijd | Zeit | tide | *tīd- |
tún | tuin | Zaun | town | *tūn- |
Boarnen, noaten en/as referinsjes: |
© MMXXIII Rich X Search. We shall prevail. All rights reserved. Rich X Search