Skylge

Skylge

De haven fan West-Skylge mei rjochts de Brandaris.

Lân Nederlân Provinsje Fryslân Haadplak West-Skylge Oerflak 673,99 km²   •  dêrfan lân 86,16 km²   •  dêrfan wetter 587,83 km² Ynwennertal 4.900 (1 jannewaris 2024) Befolkingstichtens 57 ynw./km² Boargemaster Caroline van de Pol (VVD) Oprjochte 1813 Oant 1942 part fan Noard-Hollân Netnûmer(s) 0562 Postkoade(s) 0881-8897 www.terschelling.nl

Skylge (Nederlânsk en offisjeel:Terschelling), yn de lokale Fryske dialekten Schylge, is ien fan de fiif Nederlânske Waadeilannen. It is in gemeente mei 4.900 ynwenners (1 jannewaris 2024, boarne: CBS). De gemeente beslacht 674 km² (wêrfan 587,83 km² wetter), mei in kustline fan 89 km. Ta de gemeente Skylge heart net allinnich it eilân Skylge, mar ek It Gryn. Op Skylge stiet de Brandaris, de âldste fjoertoer fan Nederlân.