Wetter

Wetter (H₂O) is de gemyske ferbining fan twa wetterstofatomen en in soerstofatoom. It eigenskipswurd fan wetter is akwatysk. Wetter is de ienige gemyske ferbining dy't yn de natoer as floeistof, as fêste stof en as gas foarkomt. By keamertemperatuer is wetter in floeistof sûnder dúdlike kleur en rook. Al it libben op ierde bestiet foar it grutste part út en is ôfhinklik fan wetter. Wetter bedekt 71% fan de Ierde.