Albania

Albania

Republika e Shqipërisë (sq) Αλβανία (el)
Bandeira Brasón
Himno	Hymni i Flamurit
Lema	«You Albania, give me honour, give me the name Albanian (en) »
Localización
41°N 20°L / 41, 20Coordenadas: 41°N 20°L / 41, 20
Capital	Tirana
Contén a división administrativa	Condado de Fier Condado de Gjirokastër Condado de Korçë Condado de Kukës Condado de Lezhë Condado de Shkodër Condado de Tirana Condado de Vlorë condado de Berat condado de Dibër condado de Durrës condado de Elbasan
Poboación
Poboación	2.793.592 (2022) (97,18 hab./km²)
Lingua oficial	lingua albanesa
Xeografía
Superficie	28.748 km²
Auga	5,7 %
Bañado por	mar Adriático e Mar Mediterráneo
Punto máis alto	Monte Korab (2.764 m)
Punto máis baixo	mar Adriático (0 m)
Comparte fronteira con	Grecia Montenegro Unión Europea Serbia Macedonia do Norte Kosovo
Datos históricos
Precedido por	República Popular de Albania
Creación	28 de novembro de 1912
Organización política
Forma de goberno	Parlamentarismo
• Presidente	Bajram Begaj (2022–)
• Primeiro ministro	Edi Rama
Órgano lexislativo	Asemblea de Albania , (Escano: 140)
Membro de	Organización Mundial da Saúde Consello de Europa Organización Mundial do Comercio ../... 24+
PIB nominal	17.930.565.119 $ (2021)
Moeda	Lek albanés
Identificador descritivo
Fuso horario	UTC+01:00, horario estándar
Dominio de primeiro nivel	.al
Prefixo telefónico	+355
Teléfono de emerxencia	112, 127, 128 e 129
Código de país	AL
Código NUTS	AL
Páxina web	kryeministria.al…

Albania (en albanés, Shqipëri ou Shqipëria), oficialmente República de Albania (en albanés, Republika e Shqipërisë), é un país balcánico, situado nas costas do mar Adriático e do mar Xónico, no Mediterráneo. Comparte fronteiras con Montenegro ao noroeste, con Kosovo^[1] ao nordeste, coa Macedonia do Norte ao leste e con Grecia ao sur. Tirana é a súa capital e cidade máis poboada, seguida de Durrës, Vlorë e Shkodër.

Albania presenta unhas condicións climáticas, xeolóxicas, hidrolóxicas e morfolóxicas variadas, definidas nunha superficie de 28 748 km². Posúe unha gran diversidade, cunha paisaxe que vai dende as nevadas montañas dos montes Prokletije, así coma dos montes Korab, ata as cálidas e soleadas costas mediterráneas albanesas.

Albania foi poboada por diferentes civilizacións ao longo do tempo, como os ilirios, tracios, gregos, romanos, bizantinos, venecianos e otománs. Os albaneses estableceron o Principado autónomo de Arbër no século XII. O reino de Albania e o Principado de Albania formáronse entre os séculos XIII e XIV. Antes da conquista otomá de Albania no século XV, a resistencia albanesa á expansión otomá, liderada por Skanderbeg, gañou o recoñecemento de case toda Europa. Albania permaneceu baixo o dominio otomán durante case cinco séculos, nos cales moitos albaneses alcanzaron altos cargos no imperio, especialmente no sur dos Balcáns e en Exipto. Entre os séculos XVIII e XIX, o desenvolvemento cultural deu lugar ao Renacemento albanés. En 1912, trala derrota otomá nas Guerras balcánicas, a moderna nación de Albania declarou a súa independencia.^[2]

Albania é unha democracia parlamentaria que aínda segue a transformar o seu sistema económico cara a unha economía de mercado. É membro das Nacións Unidas, da OTAN, da Organización para a Seguridade e a Cooperación en Europa, do Consello de Europa, da Organización Mundial do Comercio e da Organización da Conferencia Islámica. Ademais é un candidato potencial á adhesión á Unión Europea dende xaneiro de 2003, solicitando formalmente o seu ingreso o 28 de abril de 2009.

1. ↑ O status político de Kosovo é controvertível. Tras declarar unilateralmente a súa independencia de Serbia en 2008, Kosovo é recoñecido formalmente coma un estado independente por 100 estados membros da ONU, mentres que 93 non o recoñecen. Serbia segue reclamándoo como parte do seu propio territorio.
2. ↑ "Albania". The World Factbook (en inglés). Consultado o 21 de xuño de 2013.