Antillas Neerlandesas

Este artigo ou sección precisa revisión por alguén que saiba deste tema. Se ten eses coñecementos mellore este artigo. Vexa na páxina de discusión que aspectos son os que precisan revisión. (Desde xullo de 2015.)

Antillas Neerlandesas

Bandeira Brasón
Himno	Het Wilhelmus
Localización
15°N 66°O / 15, -66Coordenadas: 15°N 66°O / 15, -66
Capital	Willemstad
Contén a división administrativa	Aruba (–1986) Bonaire Curaçao Saba San Eustaquio Sint Maarten
Poboación
Poboación	197.041 (2009) (246,3 hab./km²)
Lingua oficial	lingua neerlandesa Papiamento lingua inglesa
Xeografía
Parte de	Imperio Holandés
Superficie	800 km²
Comparte fronteira con	Francia
Datos históricos
Precedido por	Curaçau e Dependências (pt)
Creación	15 de decembro de 1954
Disolución	10 de outubro de 2010
Sucedido por	Aruba, Curaçao, Sint Maarten e Países Baixos Caribeños
Organización política
Forma de goberno	monarquía constitucional
Membro de	Associação dos Estados do Caribe (pt) Interpol
Moeda	Florín das Antillas Neerlandesas
Identificador descritivo
Fuso horario	UTC−04:00
Dominio de primeiro nivel	.an
Código de país	AN

As Antillas Neerlandesas (AA.NN.) (en neerlandés Nederlandse Antillen, en Papiamento: Antia Hulandes^[1]), tamén coñecidas como as Antillas Holandesas,^[2] foi un estado autónomo no Caribe dentro do Reino dos Países Baixos. Aínda que foi disolto, todas as súas illas constituíntes permanecen como parte do reino baixo un estatuto xurídico diferente. O termo aínda se utiliza para referirse a estas illas do Caribe neerlandés.

As Antillas Neerlandesas consisten en dous grupos de illas distintos. En primeiro lugar, as "Illas de Barlovento" ou "illas ABC", Aruba, Bonaire e Curaçao, atópanse no sur do mar Caribe, xusto á beira da costa de Venezuela. En segundo lugar, as de "Sotavento" ou "Illas SSS", Sint Maarten, Saba e San Eustaquio, forman parte das Antillas Menores; están aproximadamente a 800 – 900 km ao nordeste das Illas de ABC. Os holandeses colonizaron as diversas illas no século XVII e uníronas como as Antillas Neerlandesas en 1954.

As Antillas Neerlandesas foron disoltas o 10 de outubro de 2010. Curaçao e Sint Maarten convertéronse en países constituíntes dos Países Baixos xunto a Aruba, que se convertera nun país constituínte distinto en 1986; mentres que Bonaire, San Eustaquio e Saba (as "Illas BES") se converteron en municipios especiais dentro da normativa dos Países Baixos.^[3]

1. ↑ Papiamentu/Ingles Dikshonario, Ratzlaff, Betty; pg. 11
2. ↑ "Status change means Dutch Antilles no longer exists". BBC News. BBC. 10 de outubro de 2010. Consultado o 11 de outubro de 2010. 
3. ↑ "Antillen opgeheven op 10-10-2010" (en neerlandés). NOS. 1 de outubro de 2009. Arquivado dende o orixinal o 04 de outubro de 2009. Consultado o 1 de outubro de 2009.