Cambroeira

• Ter en conta que co termo cambrón ou espiño cambrón desígnanse diferentes especies: "Crataegus monogyna" (estripeiro ou escambrón) ou "Pyrus cordata" (pereira brava). Tampouco confundir coa camariñeira ou camariña ("Corema album" (L.) D. Don.).

Lycium
Lycium barbarum (que dá as bagas de goxi)
Clasificación científica
Reino: Plantae División: Magnoliophyta Clase: Magnoliopsida Orde: Solanales Familia: Solanaceae Subfamilia: Solanoideae Tribo: Lycieae Xénero: Lycium L.
distribución natural
Especies
Véxase no texto

Co termo cambroeira ou cambrón^[1] desígnanse as diversas especies de arbustos pertencentes ao xénero Lycium (da familia solanaceae), de 1 a 3 m de altura, moi ramificados, espiñentos, con follas lanceoladas ou oblongas, flores axilares, tubulares, solitarias ou en grupos reducidos, con corola a xeito de campá de cor vermella ou violácea, estames soldados a esta, e froitos en baga indehiscente, que medran nas sebes e nos bordos dos camiños.^[2] A polinización adoita ser entomófila ou mediante aves, grazas á presenza dun disco nectarífero intraestaminal.

Comprende 83 especies distribuídas en zonas subtropicais, xeralmente áridas e secas, por todo o globo. O froito dalgunhas especies emprégase na medicina tradicional chinesa coma menciña para os problemas de circulación sanguínea, recibindo o nome de gouqizi (枸杞子). En Galiza son raros.

1. ↑ Nome vulgar galego do xénero en varias fontes: Diccionario das ciencias da natureza e da saúde (A-C) A Coruña, Deputación da Coruña, 2000; "Botánica" en Vocabulario de ciencias naturais Santiago de Compostela, Xunta, 1991; Gran dicionario Xerais da lingua galega Vigo, Xerais, 2009
2. ↑ Definición no Gran dicionario Xerais da lingua galega Vigo, Xerais, 2009