Estrela vermella

A estrela vermella de cinco puntas é un importante símbolo ideolóxico e relixioso que ten sido empregado con diferentes propósitos, como en emblemas nacionais, bandeiras, monumentos, ornamentos e logos.

Está relacionado co socialismo e co comunismo, pois representa á vez os cinco dedos da man do proletario e os cinco continentes, o que se relaciona co internacionalismo do lema marxista: ¡Proletarios de tódolos países, unídevos!. A estrela vermella foi colocada xunto á fouce e o martelo na bandeira da Unión de Repúblicas Socialistas Soviéticas, polo que rapidamente diferentes tendencias comunistas foron identificándose con este símbolo.