Narendra Damodardas Modi, nado en Vadnagar o 17 de setembro de 1950, é un político indio, primeiro ministro desde o 26 de maio de 2014. Foi ministro-xefe do estado de Guxarat desde o ano 2001 ata 2014, membro do Partido do Pobo Indio (BJP). Membro da organización Rashtriya Swayamsevak Sangh (RSS), cualificado como un nacionalista hinduísta polos medios e por el mesmo.[1][2] É unha figura controvertida na India e internacionalmente.[3][4][5][6] Criticouse a súa xestión á fronte do goberno de Guxarat pola violencia que se desatou entre hinduístas e musulmáns no seu estado en 2002[6][7], mais tamén gabouse a súa política económica, considerando que creara as condicións para o crecemento da economía guxaratí.[8]
© MMXXIII Rich X Search. We shall prevail. All rights reserved. Rich X Search