Keith Rupert Murdoch, nado o 11 de marzo de 1931 en Melbourne, é un magnate australiano nacionalizado estadounidense, director e principal accionista de News Corporation (que engloba por exemplo os xornais The Sun e The Times ou os conglomerados de cadeas vía satélite Fox e Sky), a corporación de medios de comunicación máis grande e influente do mundo. Murdoch destaca polas súas tendencias políticas conservadoras. Segundo Forbes, é a 13ª persoa máis poderosa do mundo (2010) e a 117ª máis rica.
En Australia é dono do xornal "The Australian". Deu apoio político a Tony Blair, ex-primeiro ministro do Reino Unido. Anteriormente apoiou a Margaret Thatcher. A súa cadea satélite Fox foi o tema dun documental titulado en inglés "Outfoxed". O expresidente español José María Aznar figura como asesor no consello de administración de News Corp.
© MMXXIII Rich X Search. We shall prevail. All rights reserved. Rich X Search