Tecemento

O tecemento, tecelaxe^[1] ou tecedura^[2] é un proceso de produción téxtil no que dous conxuntos separados de fíos se entrelazan en ángulo recto para formar un tecido. Outros métodos son tricotar, o encaixe ou o fieltro. Os fíos na lonxitude do tecido chámanse fíos de urdime^[3] e os fíos perpendiculares á urdime son fíos de trama ou de recheo. O método polo que se tecen estes fíos inflúe nas características do tecido.^[4]

O tecido adoita tecerse nun tear, un dispositivo mantén os fíos de urdime no seu lugar mentres os fíos de trama se tecen a través deles. Un anaco de tecido que cumpra esta definición (fíos de urdime cun fío de trama inserido entre eles) tamén se pode fabricar mediante outros métodos, incluíndo o tecido de tabletas, o fito, encintado ou outras técnicas.^[5]

A forma en que os fíos de urdime e trama se cruzan uns cos outros é o tecido ou enfiado. O tecido pode ser liso (dunha cor ou un patrón simple) ou pode tecerse con deseños decorativos ou artísticos.

1. ↑ "Dicionario de dicionarios; tecelaxe". ilg.usc.gal. Consultado o 2023-01-15. 
2. ↑ "Dicionario". Real Academia Galega; tecedura. Consultado o 2023-01-15. 
3. ↑ "Dicionario de dicionarios; urdime". ilg.usc.gal. Consultado o 2023-01-15. 
4. ↑ Collier 1974, p. 92
5. ↑ Dooley 1914