Airbus A320, պատկանում է միջին չափի օդանավերի ընտանիքին։ Այն առաջին օդանավերից է, որը կիրառել է էլեկտրական շարժիչներ[փա՞ստ] (անգլերէն՝ fly-by-wire)։ Այս փոփոխություններից հետո օդանավի ապահովությունը սկսել է բարձրանալ։
Ընտանիքը միավորում են A318, A319, A320 և A321 քաղաքացիական օդանավերը, ինչպես նաև՝ ACJ բիզնես օդանավը։
Airbus A320-ը կազմել է նոր օդանավի ընտանիքը, որը նույնպես ենթարկվել է փոփոխությունների, բայց իր չափերը և կարողությունները չի փոխել։ Այս օդանավերի ընտանիքը ընկերություններին խնայողություն է բերել, որովհետև օդանավերի մասերը նույնն են և այս օդանավերը վարում են նույն օդաչուները։
A320 ընտանիքի առաջին օդանավի՝ A320-ի արտադրությունը սկսվել է 1987 թվականի մարտ ամսին։ Որը իր առաջին թռիչքը կատարել է 1987 թվականի փետրվարի 22-ին, իսկ առաջին առաքումը՝ 1988 թվականի մարտին։ Որոշ ժամանակ անց ընտանիքը համալրվեց A321 ինքնաթիռով (առաջին արտադրանքը՝ 1994-ին), այնուհետև՝ A319-ով (1996-ին) և A318-ով (2003-ին)։