![]() Pyidaunzu Thanmăda Myăma Nainngandaw Republica del Union de Myanmar |
||||||
---|---|---|---|---|---|---|
|
||||||
Hymno Kaba Ma Kyei |
||||||
![]() Situation de Birmania (verde) in le Association de Nationes del Asia del Sud-Est (gris obscur)
|
||||||
Capital | Naypyidaw¹ | |||||
Le major citate | Yangon (Rangoon) | |||||
Linguas official | birman | |||||
Linguas regional recognoscite | jingpho, kayah, karen]], chin, mon, rakhine, shan | |||||
Demonymo | birman | |||||
Governamento | dictatura militari | |||||
- | Presidente del Consilio del Stato pro Pace e Disveloppamento | Than Shwe | ||||
- | Vice Presidente del Consilio del Stato pro Pace e Disveloppamento | Maung Aye | ||||
- | Prime Ministro | Thein Sein | ||||
Formation | ||||||
- | Dynastia bagan | 23 de decembre 849 | ||||
- | Dynastia taungoo | 16 de october 1510 | ||||
- | Dynastia konbaung | 21 de martio 1752 | ||||
- | Independentia | 4 de januario 1948 (ab le Regno Unite) | ||||
- | Colpe de stato | 2 de martio 1962 | ||||
Area | ||||||
- | Total | 676 578 km² (40e) 261 228 mi.² |
||||
- | Aqua (%) | 3,06 | ||||
Population | ||||||
- | Estimation de 2009[1] | 50 020 000 (24e) | ||||
- | Censo de 1983 | 33 234 000 | ||||
- | Densitate | 73,9/km² (119e) 191,4/sq mi |
||||
PIB (PPA) | Estimation de 2009 | |||||
- | Total | $71 772 million[2] | ||||
- | Per capita | $1 197[2] | ||||
PIB (nominal) | Estimation de 2009 | |||||
- | Total | $34 262 million[2] | ||||
- | Per capita | $571[2] | ||||
IDH (2010) | ![]() |
|||||
Numerario | kyat (K) (mmK ) |
|||||
Fuso horari | MST (UTC+6:30) | |||||
Dominio de Internet | .mm | |||||
Codice telephonic | +95 | |||||
1 | Alcun governamentos recognosce ancora Rangoon como le capital national.[4] | |||||
2 | Estimationes considera le effectos del SIDA. |
Birmania[5] o Myanmar, officialmente cognite como le Republica del Union de Myanmar, es un pais in Asia del Sud-Est. Birmania ha frontieras con Bangladesh e India in le west, China in le nord e est, e Laos e Thailandia in le sud.
Le capital de Birmania esseva Yangon (antea orthographiate Rangoon) usque 2005, quando le junta militar lo displaciava a un sito alora non habitate, Naypyidaw. Le fortias armate ha controlate Birmania sin longe interruption depois un colpo de stato in 1962 contra le governamento civil de U Nu. Le general Than Shwe, presidente del Consilio del Stato pro Pace e Disveloppamento, continua a dominar le stato malgrado le adoption de un nove constitution in 2008 e electiones in 2010.
Al cruciata del civilisationes indian e chinese, Birmania ha disveloppate un cultura distinctive multo influentiate per iste vicinos. Le buddhismo theravada ha jocate un rolo central in le arte, architectura, litteratura e mores del pais. Le communitate majoritari es de lingua birman, ma multe altere gruppos ethnic habita le pais, super toto in le regiones montaniose e litoral. Le populos kachin, kayah, kayin, chin, mon, rakhine e shan possede lor proprie statos intra le union; populationes chinese, indian e rohingya son alsi relativemente numerose. Relationes interethnic son tense e a vices violente; il ha plure insurgentias de character nationalista.
Birmania habeva devenite integremente un colonia de Grande Britannia in 1886, quando le britannos lo annexava al India britannic. Le birmanos resisteva al insensitivitates cultural de lor colonisatores (pro exemplo, britannos refusava remover lor scarpas quando visitava templos buddhista) e le influxo de immigrantes indian. In 1930, le monacho U Wisara moriva in prision post un jejuno politic de 166 dies. Birmania deveniva un colonia separate de India in 1937. Nationalistas sub le commando de Aung San formava le Armea del Independentia de Birmania in 1940; iste combatteva initialmente pro Japon durante le Secunde Guerra Mundial, quando Birmania esseva un theatro de combatto importante. Japoneses e nationalistas birman occupava le capital, Rangoon, desde martio 1942. Le armea national birman se revoltava contra le japoneses in martio 1945 e cooperava con le britannos pro liberar le pais. Birmania ganiava su independentia in 1948, cinque menses post India e Pakistan.
Le birman U Thant serviva como Secretario General del ONU inter 1961 e 1971, ganiante respecto pro su rolo pacificatori in Cuba, Congo, Vietnam, e alterubi. Le governamento civil de U Nu, un associato de U Thant, esseva subverse per le general Ne Win in 1962. Ne Win promoveva un «via birman al socialismo»; su partito (le Partito del Programma Socialista Birman) esseva le unic tolerate de 1964 usque 1988. Le refusa del governamento de render homage a U Thant quando iste moriva in 1974 provocava protestos contra le junta. In le «insurgentia 8888», comenciate le 8 de augusto 1988, multe protestatores exigeva reformas democratic e economic; le militares reprimeva iste protestos, ma un nove general, Saw Maung, prendeva le controlo. Iste permitteva electiones in 1990, que esseva ganiate per le Liga National pro le Democratia directe per Aung San Suu Kyi. Le junta refusava ceder le poter, e depois 1992 le pais es regulate per le general Than Shwe.
© MMXXIII Rich X Search. We shall prevail. All rights reserved. Rich X Search