Danmark | |||
|
|||
Hymno: Der er et yndigt land, Kong Christian stod ved højen mast | |||
![]() ![]() ![]() ![]() |
|||
Nomine native | Kongeriget Danmark, Danmarks Rige, Danmark | ||
---|---|---|---|
Classe | stato, colonial power[*], autonomous country within the Kingdom of Denmark[*], country bordering the Baltic Sea[*], pais | ||
Pais | Kingdom of Denmark[*] | ||
Capital | Copenhagen | ||
Population | 5 827 463 | ||
Area | 42 925,46 ±0.01 km² ![]() |
||
Situate in | Kingdom of Denmark[*], Union de Kalmar | ||
Coordinatas | 56°N, 10°E | ||
Linguas official | danese | ||
Fuso horari | Hora Central Europee[*], UTC+02:00[*], UTC+01:00, Europe/Copenhagen[*] | ||
Codice telephonic | +45 | ||
Valuta | corona danese[*] | ||
Dominio de Internet | .dk[*] | ||
ISO 3166-1 alpha-2 | DK | ||
ISO 3166-1 alpha-3 | DNK | ||
ISO 3166-1 numeric | 208 | ||
Codice IOC | DEN | ||
Geonames ID | 2623032 | ||
Sito web: http://www.denmark.dk | |||
Wikimedia Commons Category Denmark |
Le Regno de Danmark[1], appellate etiam Danmarca o Dania, es un pais in Scandinavia, al nord de Europa, con frontiera al Mar Baltic, Mar del Nord e Germania. Illo consiste de un peninsula (Jutlandia, in danese: Jylland) e 405 insulas (del quales 79 es habitate) al nord de Germania e al sud-est de Svedia.
Danmark es un stato membro del Union Europee desde 1972.
Danmark forma parte de Scandinavia e illo solo ha frontiera terrestre con Germania, desde 1999 illo es unite per strata e ferrovia con Svedia, per le ponte de Øresund. Le territorio danese es componite per le peninsula de Jutlandia e per 407 insulas ex le quales 79 es habitate (2009). Danmark conta con 7.314 km de costas, e illo es totalmente circumferite per le Mar del Nord e le Mar Baltic, excepte Jutlandia, que lo uni al continente europee. Le principal insulas danese son Selandia, Fionia, Vendsyssel-Thy, Lolland e Bornholm, le plus lontan ab le archipelago danese. Iste position ha date a Danmark, historicamente, le controlo super le accesso al mar Baltic.
Le bandiera official es Dannebrog, inter le bandieras le plus vetere in le mundo.
Danmark es un monarchia constitutional desde 1849, data in le qual esseva abolite le monarchia absolute que habeva regite le pais desde 1660, e illo deveniva monarchia parlamentari in 1901. In terminos de permanentia, le monarchia danese pote considerar se le plus antique del mundo, habente existite durante al minus un millennio. Danmark forma parte del Union Europee, sed illo non utilisa le euro. Quando le pais se adhereva al Communitate Europee (CEE, hodie le Union Europee) in 1973 illo lo faceva sin le Insulas Feroe, durante que Groenlandia optava pro separar se del CEE in 1985. Danmark etiam deveniva un membro fundator del OTAN in 1949, terminante con le traditional politica de neutralitate que illo habeva sustenite usque iste momento.
Con un natura povre de ressources geologic, Danmark susteneva su economia per le activitate agricole, gratias a su fermas, le pisca e le industria naval. In le ultime seculo, le daneses ha date un impulso al industrialisation de lor pais e ha favorite le establimento de un stato de benesser garantiente le accesso a servicios public desde que in 1933 se firmava le accordo de Kanslergade. Danmark esseva occupate per le Germania nazista durante le Secunde Guerra Mundial, del 9 de april 1940 al 5 de maio 1945.
© MMXXIII Rich X Search. We shall prevail. All rights reserved. Rich X Search