Medicina

Medicina
instantia de: field of study[*], disciplina academic[*], field of work[*]
subclasse de: scientia de sanitate[*]
parte de: scientias del vita
Commons: Medicine

Le medicina^[1] ([me-di-tsí-na]) es le scientia e practica de diagnose, tractamento, e prevention de maladias in le corpore human.^[2][3] Le parola "medicina" deriva del latin medicus, significante "un medico".^[4][5] Le medicina comprende un varietate de practicas pro reguardo del sanitate disveloppate pro mantener e restaurar le sanitate pro le prevention e le tractamento del maladia. Le medicina contemporanee applica le scientias biomedic, recerca biomedic, genetica, e technologia medic pro diagnosticar, tractar e prevenir lesiones e maladias, generalmente per medio de pharmacos o chirurgia, pro etiam per medio de therapias tanto differente como psychotherapia, ferula e traction externe, instrumentos medic, biologic, radiation ionisante e alteres.^[6]

Le medicina existeva durante milles de annos, durante le majoritate del quales illo esseva un arte (un area de habilitate e cognoscentia) e frequentemente habeva connexiones con le credentia religiose e philosophic del cultura local. Per exemplo, un shaman applicava herbas e precava pro sanar, o un ancian philosopho e medico qui applicarea sanguine de accordo con le theorias del humorismo. In recente seculos, desde le advenimento del scientia moderne, un grande parte del medicina ha convertite un combination de arte e scientia (e basic e applicate, sub le parapluvia del scientia medic). Durante que le technica pro le suturas es un arte apprendite per le practica, le cognoscimento de que eveni a nivello cellular e molecular in le texitos que on sue, surge per le scientia.

Le formas del medicina prescientific alora es cognoscite como medicina traditional o medicina popular. Illos remane in uso commun con o in vice del medicina scientific e es appellate medicina alternative. Per exemplo, le evidentia super le efficacia del acupunctura es "variabile e inconsistente" pro ulle condition,^[7] ma generalmente illo es secur quando illo es realisate per un professional.^[8] In contrasto, le tractamentos foras del limites del securitate e efficacia es nominate charlataneria.

1. ↑ Derivation: Entitates: 1. (it) Medicina || 2. (es) Medicina || (pt) Medicina || 3. (fr) Médecine || 4. (en) Medicine || Controlo: (de) Medizin || (ru) Медицина || - (Extra): (la) Medicina
2. ↑ "Medicine, n.1". Oxford University Press (Septembre 2014). Consultate le 8 Nov 2014.
3. ↑ "Medicine". Oxford University Press. Archivate ab le original le 18 de augusto 2021. Consultate le 8 de nov. 2014.
4. ↑ Etymologia: latino: medicina, de ars medicina "le arte del medicina", de medicus "medico". (Etym.Online) Cf. mederi "pro sanar", etym. "Cognose le mejior course pro", de PIE base *med- "pro mesurar, limit. Cf. Grec medos "consilio, plan", Avestan vi-mad "medico"
5. ↑ "Medicine" Online Etymology Dictionary
6. ↑ "Dictionary, medicine". Consultate le 2 de dec. 2013.
7. ↑ Colquhoun, D (2013). "Acupuncture is a theatrical placebo: the end of a myth" (PDF). Anesthesia & Analgesia 116 (6): 1360–1363. doi:10.1213/ANE.0b013e31828f2d5e. PMID 23709076. 
8. ↑ Acupuncture (PDQ®). National Cancer Institute. Recuperate le 15 de sept. 2013.