Statouniteses african o americanos african o al vices nominate simplemente nigros ha un historia longe de oppression in le Statos Unite de America.
Il pare que sclavos african accompaniava conquistores espanianol al americas e plantationes nederlandeses in le Caribe les usava in le annos 1500. In le initio del annos 1600 sclavos african arrivava in le Colonia de Virginia e laborava con servitores europee. In 1662 un lege virginian declarava que tote infantes de sclavos esseva anque sclavos. Un rebellion de tal personas, le Rebellion de Bacon, ja falleva in 1676. Durante le Revolution American, africanos american combatteva a ambe lateres, commandantes brittanic promittente al illes libertate.
Post le revolution statos al nord del SUA inclinava al remotion de sclavitude, durante que plantationes in statos del sud prefereva usar le sclavos pro grande recoltas de tabaco e coton. In 1793 le congresso statounitese creava le Acto de sclavos fugiente, que dava al possessores de sclavos le capacitate de retornar sclavos al se. In 1807 un plus acto prohibiva le arrivata de nove sclavos al SUA. Alcun personas del nord organisava le "ferrovia subterranee" e adjutava sclavos a escappar al statos libere o a Canada, ma altere leges finalmente aboliva isto. Postea statos del sud continuava a facer leges, le qual declarava que personas de un medietate, un quarto, e finalmente un octavo de sanguine nigre ancora esseva sclavos.
In 1852 le libro de Harriet Stowe esseva publicate, Le cabana de Oncle Tom. Le libro indicava le vitas oppremite del sclavos. Le argumento del libro esseva religiose: nigros poteva acceptar o rejectar Jesus como le Salvator similemente al blancos, dunque nigros e blancos es equal. A iste tempore le statounitese-african libere Frederick Douglass publicava scripturas super emancipation. Ante le Guerra Civil alcun personas ja ha combatteva super sclavitude, per exemplo, le attacco del John Brown a Harpers Ferry.
Durante le Guerra civil, statouniteses american combatteva con ambe lateres del guerra. Blancos dubitava le capacitate del nigros de combatter. Le nord dunque poneva soldatos nigre in rangos separate. Iste soldatos serviva con distinction. Per iste maniera tal soldatos continuava a combatteva con indianos american post le guerra. Durante le guerra le Presidente Abraham Lincoln signava le Proclamation del emancipation, le qual declarava que tote sclavos esseva libere in 1863. Lincoln esseva assassinate in 1865.
Post le guerra trans le tote nation africanos american continuava a mancar derectos basic, specialmente in le sud. La blancos se organisava al gruppos nominate Ku Klux Klan (KKK), le quales secretemente espaventava o occideva nigros. Le governamentos del statos del sud permitteva leges, le qual les segregava a locos separate - e inferior: scholas, labores, WC public, vicinitates, sedes in omnibuses, trainos, theatros, restaurantes. Governamentos limitava anque le derecto de votar, malgrado le amendamento 15e al constitution, le qual da le derecto de votar a tote citatanos malgrado le racia.
Prejudicio continuava durante le guerras mundial. Le commandante del armea statounitese John Pershing simplemente donava tote soldatos nigre al commandos del armea del Francia, preoccupate que illes vadeva fugir. Preoccupante le mesmo durante le commandantes del secunde guerra faceva nigros chauffeures del camiones.
In 1954 le Corte Supreme del SUA ordinava tote scholas includer le personas del tote racias. In 1955 un americana african Rosa Parks esseva petite a donar su sede in un autobus a un blanco. Illa protestava. Tosto plus protestationes occurreva e continuava al annos de 1960. Alcun tal protestationes esseva organisate per Martin Luther King, Jr, un pastor del baptistas, le qual sempre los conduceva pacificamente. King esseva assassinate in 1968. In 1986 ille esseva honorate con un die federal.
Demonstrationes per africanos american continua al presente. Illos deveni plus violente. Le parte major ha essite super accusationes apparente de inequalitate del execution del leges per le policia.
© MMXXIII Rich X Search. We shall prevail. All rights reserved. Rich X Search