Akin-abagatan a Hemisperio

Nagsasabtan: 45°0′0″S 0°0′0″E / 45.00000°S 0.00000°E / -45.00000; 0.00000

Ti nadayeg a ladawan ti Daga manipud iti Apollo 17 (Asul a Marmol) kasisigud idi nga adda ti abagatan nga ungto iti ngato; nupay kasta, binaliktad daytoy tapno maikabil iti tradisional a perspektibo

Ti Akin-abagatan a Hemisperio ket paset ti agpuspusipos nga astronomikal a bagi a naisanglad iti abagatan ti bukodna nga ekuador. Ti balikas a hemisperio (manipud iti Griego a balikas ti σφαιρα (espera) +ημι (gudua)) literal a kaibuksilanna ti 'gudua ti bola' wenno "gudua nga espera". Daytoy pay ti gudua ti nainlangitan nga espera ti abagatan ti nainlangitan nga ekuador.

Iti Daga ti Akin-abagatan a Hemisperio ket aglaon amin wenno dagiti paset ti uppat a kontinente (Antartika, Australia, agarup a 9/10 iti Abagatan nga Amerika ken ti akin-abagatn a pagkatlo ti Aprika), dagiti uppat a taaw (Indiano, Abagatan nga Atlantiko, Akin-abagatan, ken Abagatan a Pasipiko) ken kaaduan ti Oceania. Adda pay dagiti nadumaduma nga isla idiay nangruna a daga ti kontinental nga Asia ket paset pay ti Akin-abagatan a Hemisperio. Gapu ti pakbo ti panagtayyek ti Daga a mainaig iti Init ken ti ekleptiko a dalumpinas, ti kalgaw ket manipud iti Disiembre aginggana ti Marso ken ti panaglalam-ek ket manipud iti Hunio aginggana ti Septiembre. Ti Septiembre 22 wenno 23 ket isu ti bernal nga ekuinoksio ken ti Marso 20 wenno 21 ket isu ti otonio nga ekuinoksio.