Back Азиа Abkhazian Asia ACE Азие ADY Asië Afrikaans Asien ALS እስያ Amharic Asia AN Asia ANG एशिया ANP آسيا Arabic

Asia

Asia
Globo a naisentro iti Asia, a namarisan ti Asia. Ti kontinente ket nasukog a kasla rekto nga anggulo a trianggulo, ti Europa ket adda iti laud, dagiti taaw iti abagatan ken daya, ken ti Oceania iti abagatan-daya.
Kalawa44,579,000 km2 (17,212,000 sq mi)[1]
Populasion4,164,252,000 (Umuna)[2]
Densidad ti populasion87/km2 (225/sq mi)
Nagan dagiti umiliAsiano, Taga-Asia
Pagpagilian48 a kamkameng ti UN ken dadduma nga 6 nga estado (listaan ti pagpagilian)
Agkamkammatalek
Listaan
Dagiti di mabigbigan a rehion
Listaan
SasaoListaan dagiti pagsasao
Dagiti sona ti orasUTC+2 aginggana iti UTC+12
TLD ti internet.asia
Dagiti kadakkelan a siudadListaan dagiti metropolitano a lugar idiay Asia babaen ti populasion
Listaan dagiti siudad idiay Asia
Listaan

Ti Asia ket ti kadakkelan ken kaaduan ti populasion a kontinente iti Daga, daytoy ket kangrunaan a mabirukan kadagiti akindaya ken akin-amianan a hemisperio. Urayno daytoy ket sakupenna laeng ti 8.7% iti dagup a kalawa ti rabaw iti Daga, daytoy ket buklenna ti 30% iti kalawa ti daga iti Daga, ken historikal a balay iti kaaduan a populasion ti tao iti planeta (agdama nga agarup a 60%). Ti Asia ket saan laeng a naindayegan iti dagup a kadakkelna ken populasion, ngem dagiti pay naisangayan a napusek ken dadakkel a pagtaengan ken dagiti pay nawatiwat a manmano a matagtagitao a rehion iti uneg ti kontinente iti 4.4 a bilion a tattao. Ti Asia ket mangipakpakita ti kapartak iti ekonomia (naisangayan iti Daya nga Asia) ken ti pay nakaradkada nga iya-adu ti populasion idi las-ud ti maika-20 a siglo, ngem ti dagup ti amin nga iya-adu ti populasion ket simmuek manipud idin kadagiti natimbeng nga agpang iti lubong.[3]

Dagiti pagbeddengan ti Asia ket naikeddeng babaen ti kultura, gapu ta awan ti nalawag a heograpikal a pannakaisina a nagbaetanna ken ti Europa, a no itipon dagitoy dua ket mangporma ti maysa nga agtultuloy a masa ti daga a tinawtawagan iti Eurasia. Dagiti kaaduan a naaw-awat a pagbeddengan a lugar ti Asia iti daya ti Kanal Suez, ti Karayan Ural, ken ti Banbantay Ural, ken iti abagatan ti Banbantay Kaukaso wenno ti Depresion Kuma–Manych) ken ti Kaspio ken Baybay Nangisit.[4][5] Daytoy ket nabeddengan iti daya babaen ti Taaw Pasipiko, iti abagatan babaen ti Taaw Indiano ken iti amianan babaen ti Taaw Artiko.

No makita ti kadakkelna ken dibersidad, ti konsepto iti Asia – ti nagan napetsaan manipud idi klasikal a kinaugma – ket mabalin a napudpudno a maibatay iti heograpia ti tao ngem ti pisikal a heograpia.[6] Ti Asia ket nalatak nga agdumaduma iti ballasiw ken iti uneg dagiti rehionna no maibatay kadagiti etniko a grupo, dagiti kultura, dagiti enbironmento, dagiti ekonomia, dagiti historikal a pakaikabagian ken dagiti sistema ti gobierno.

  1. ^ National Geographic Family Reference Atlas of the World. Washington, D.C.: National Geographic Society (U.S.). 2006. p. 264.
  2. ^ "Continents of the World". The List. Worldatlas.com. Naiyarkibo manipud iti kasisigud idi 2011-07-22. Naala idi 25 Hulio 2011.
  3. ^ "Like herrings in a barrel". The Economist. The Economist online, The Economist Group (Millennium issue: Population). 23 Disiembre 1999. Naiyarkibo manipud iti kasisigud idi 2010-01-04. Naala idi 2015-01-20..
  4. ^ "Asia". eb.com, Encyclopædia Britannica. Chicago: Encyclopædia Britannica, Inc. 2006.
  5. ^ National Geographic Atlas of the World (maika-7 nga ed.). Washington, DC: National Geographic. 1999. ISBN 978-0-7922-7528-2. "Europe" (pp. 68–9); "Asia" (pp. 90–1): "A commonly accepted division between Asia and Europe is formed by the Ural Mountains, Ural River, Caspian Sea, Caucasus Mountains, and the Black Sea with its outlets, the Bosporus and Dardanelles."
  6. ^ "Asia". AccessScience. McGraw-Hill. Naiyarkibo manipud iti kasisigud idi 2011-11-27. Naala idi 26 Hulio 2011.

Rich TVX News Network Site

Rich TVX News Network Info

© MMXXIII Rich X Search. We shall prevail. All rights reserved. Rich X Search