Baybay ti Hapon

Ti Baybay ti Hapon ket ti pingir a baybay iti akinlaud a Taaw Pasipiko, iti pagbaetan ti nangruna a daga ti Asia, ti purpuro Hapon ken Sakhalin. Daytoy ket bineddengan babae ti Hapon, Amianan a Korea, Rusia ken Abagatan a Korea. Kasla met ti Baybay Mediteraneo, daytoy ket gangani nga awan kadagiti atab iti gangani a pannakarikepna iti Taaw Pasipiko.^[1] Daytoy a pannakaisalumina ket mangiballatek kadagiti sebbangan ti ayup ken iti kaapgad ti danum, a saan a naapapgad ngem ti taaw. Ti bayaby ket awanan kadagiti dakkel nga isla, dagiti luek wenno dagiti rawis. Ti balanse iti danumna ket ikeddeng babaen ti panagayus iti uneg ken panagayus iti ruar babaen ti dagiti lingsat a mangikapet iti daytoy kadagiti kaarrubana a baybay ken ti Taaw Pasipiko. Bassit laeng dagiti baybay nga agayus itibaybay ken ti dagup a kontribusionda iti panagsinnukat iti danum ket iti kaunegan ti 1%.

Ti danum ti baybay ket maidasig babaen ti naipangato a konsentrasion ti nairaman nga oksiheno a pagresultaan ti nangato a produktibidad ti biolohia. Isu a ti panagkalap ket isu ti kaaduan nga aktibidad ti ekonomia iti rehion. Ti kaadu ti panagdaliasat dagiti barko iti ballasiw ti baybay ket saan unay nga adu gapu kadagiti parikut iti politika, ngem agin-inut nga umad-adu kas resulta ti idadakkel dagiti ekonomia ti Daya nga Asia. Adda met ti kontrobersia a maipanggep iti pannakainagan ti baybay, a ti Abagatan a Korea ket mangiyad-addang iti nagan a EBaybay Daya (Koreano: 동해; Hanja: 東海; Panangibalikas a Koreano: [toŋhɛ]).^[2][3]