Ti Mankomunida ti Filipinas (Filipino: Komonwelt ng Pilipinas; Espaniol: Mancomunidad de Filipinas) ket isu idi ti administratibo a bagi a nangituray ti Filipinas manipud idi 1935 aginggana idi 1946, malaksid iti paset ti panawen ti eksilo iti Maikadua a Sangalubongan a Gubat manipud idi 1942 aginggana idi 1945 idi ti Hapon ket sinakupna ti pagilian. Daytoy ket sinukatanna ti Insular a Gobierno, ti teritorial a gobierno ti Estados Unidos, ken nabangon idi babaen ti Tigbay ti Tydings–McDuffie. Naidesinio ti Mankomunidad a kas transisioonal nga administrasion iti panangisagana para iti napno a pannakagun-od ti wayawaya ti pagilian.[1]
Iti las-ud ti kaaddana iti ad-adu ngem maysa a dekada, ti Mankomunidad ket addaan iti napigsanga ehekutibo ken maysa a Korte Suprema. Ti lehislaturana, kaaduan babaen ti Partido Nacionalista, immuna idi a maymaysa kamara, ngem kanungpalan a nagbalin a dua kamara. Idi 1937, pinili ti gobierno Tagalog a kas ti pagsasao ti Manila ken dagiti nakapalikmut a probinsia–kas ti batayan ti nailian a pagsasao,urayno adunton a panawen sakbay a sapasap ti pannakausarna. Naampon idi ti panagbutos ti babbai ken nakarang-ay ti ekonomia manipud kadagiti agpang iti Depresion sakbay iti panagsakup ti Hapon idi 1942.
Napan iti eksilo ti gobierno ti Mankomunidad manipud idi 1942 aginggana idi 1945, idi ti Filipinas ket sinaksakup babaen ti Hapon. Idi 1946, nagpatingga ti Monkomunidad ken nagtunton ti Filipinas iti napno a kinaturay kas inted iti Artikulo XVIII iti Batay-linteg ti 1935.[2]
© MMXXIII Rich X Search. We shall prevail. All rights reserved. Rich X Search