Ti Sarawak (Malayo: [saˈrawaʔ]), nabirngasan iti Bumi Kenyalang ("Daga dagiti Kalaw"), ket maysa kadagiti dua nga estado ti Malaysia iti isla ti Borneo (ti Sabah ti sabali nga estado). Daytoy a teritorio ket addaan iti naisangayan nga agpang iti autonomia iti administrasion, immigrasion, ken ukoman a mangigiddiat iti daytoy manipud kadagiti estado ti Peninsula ti Malaysia. Ti Sarawak ket mabirukan idiay amianan a laud ti Borneo, a mangbeddeng ti estado ti Sabah iti amianan a daya, ti Kalimantan, ti parte ti Borneo ti Indonesia, iti abagatan, ken manglikmut ti nawaya nga estado ti Brunei. Ti kapitolio a siudad, ti Kuching, ket ti sentro ti ekonomia ti estado ken ti tugaw ti gobierno ti estado ti Sarawak. Dagiti sabali a siudad ken ili idiay Sarawak ket mairaman ti Miri, Sibu, ken Bintulu. Manipud iti senso idi 2015 idiay Malaysia, ti populasion ti estado ket 2,636,000.[8] Ti Sarawak ket addaan iti maysa nga ekuatorial a klima nga addaan kadagiti tropikal a katuduan a bakir ken adu kadagiti sebbangan ti ayup ken mula. Ti estado ket addaan kadagiti nadumaduma a prominente a sistema ti kueba idiay Nailian a Parke ti Gunung Mulu. Ti Karayan Rajang ket ti kaatiddogan a karayan idiay Malaysia; ti Penned Bakun, maysa kadagiti kadakkelan a penned idiay Abagatan a daya nga Asia, ket mabirukan iti maysa kadagiti tributariona. Ti Bantay Murud ket ti kangatuan a pantok idiay Sarawak.
^"Sarawak – Facts and Figures 2011"(PDF). Sarawak State Planning Unit, Chief Minister Department. pp. 5, 9, 15, 22. Naiyarkibo manipud iti kasisigud idi 2016-06-07. Naala idi 24 Nobiembre 2015.{{cite web}}: Panagtaripato ti CS1: bot: di ammo ti kasasaad ti kasisigud nga URL (silpo)
^ ab"Population by States and Ethnic Group". Department of Information, Ministry of Communications and Multimedia, Malaysia. 2015. Naiyarkibo manipud iti kasisigud idi 12 Pebrero 2016. Naala idi 12 Pebrero 2015.
^"Facts of Sarawak". The Sarawak Government. Naiyarkibo manipud iti kasisigud idi 23 Hulio 2015. Naala idi 23 Hulio 2015.
^"Malaysia Act 1963 (Chapter 35)"(PDF). The National Archives. United Kingdom legislation. Naiyarkibo manipud iti kasisigud(PDF) idi 14 Nobiembre 2012. Naala idi 12 Agosto 2011.