Tattao nga Ilokano

Dagiti Ilokano

Dagup ti populasion
9,136,000 (10.1% iti populasion iti Filipinas)
Dagiti rehion nga agraman kadagiti adu a populasion
Filipinas (Tanap ti Cagayan, Kordiliera, Ilocos, Metro Manila, Tengnga a Luzon, Mindoro, Palawan, Mindanao)  Estados Unidos (Hawaii, California) iti pay sabsabali a lugar
Sasao
Ilokano, Sebuano (idiay Mindanao), Filipino, Ingles
Relihion
Kaaduan a Romano a Katoliko, Aglipayano minoridad, Protestante
Dagiti agkakabagian a grupo ti etniko
Ibanag, Ibátan, Pampanggenio, Pangasinense, dadduma pay a Tattao a Filipino, dadduma pay a Tattao nga Austronesiano

Dagiti maawagan nga Ilokano ket isu dagiti kaputotan dagiti simmanglad a tattao idi kanikamanon a ribu a tawtawen idiay amianan ti Luzon, iti maaw-awagan ita iti Ilocos wenno Kailokuan (buklen dagiti probinsia ti Ilocos Norte, Ilocos Sur, La Union ken dadduma pay). Kuna dagiti antropolohista a binallasiw dagitoy a kaputotan ti baybay, babaen ti bilog wenno viray, manipud idiay Taiwan. Inrugida ti baro a panagbiag kadagiti lolook wenno waywayang iti amianan, nga isu ti nakapanaganda—dagiti “tattao iti loök,” wenno "Ilooko." Ngem kadakuada, nairuam nga awaganda ti bagbagida a Samtoy, manipud iti "saö mi ditoy." Awaganda pay ti bagbagida kas “Saluyot,” manipud iti maysa a mula nga imasen a sidaen dagiti Ilokano.