Wikipedia:Annuroten ti panagikkat

Ti linaon daytoy a panid ket annuroten iti Ilokano Wikipedia. Addaan daytoy iti pannakaawat ken pammalubos iti baetan dagiti agur-urnos iti daytoy a Wikipedia ket mabigbig a kas maysa nga annuroten ken pagalagadan a masapul a suroten ken tungpalen ti amin. Malaksid iti babassit a panangbalbaliw, mabalin nga aramaten ti tungtungan a panid wenno agipablaak ditoy para iti pannakisinnarita ken panagala ti konsenso tapno mangisingasing kadagiti panagbalbaliw kadagitoy nga annuroten.

Dagiti apat WP:IKTN WP:IKKATEN

Daytoy ket dagiti annuroten ti Ilokano Wikipedia kadagiti panagikkat ti pampanid babaen dagiti admisnistrador. Bayat a dagiti agar-aramat ket makablanko kadagiti panid, dayta a panid ket mabalin pay laeng a makita wenno maserrekan babaen dagiti pakasaritaan ti panagurnos. No ti panid ket ikkaten ti maysa nga administrador, dagita kasisigud a pakasaritaan ti panagurnos ket saanen a makita dagiti agar-aramat a saan nga administrador. Dagiti laeng administrador ti nakapabaelan nga agikkat ken agisubli kadagiti kastoy a panid.

Adda dua a kita ti panagaramid ti panagikkat ditoy, ti konsenso a panagaramid ti panagikkat ken ti pagalagadan para iti nadaras a panagikkat.