Madrid

Madrid yaiku kutha krajan lan kutha gedhé dhéwé ing Spanyol. Kutha iki dumunung ing ilèn Kali Manzanares ing pérangan tengah nagara Spanyol. Padunung ing kutha sing jembaré 607 km² iki kurang luwih ana 3,228 yuta jiwa (Juli 2005), nanging yèn tlatah metropolitané mèlu di itung bisa nganti 5,843 yuta jiwa. Panggonan lan sajarah ndadèkaké Madrid minangka punjer kagiyatan finansial lan pulitik ing Ujung Iberia, luwih-luwih sawisé pulih iklim dhémokrasi ing taun 1975 lan integrasi sajeroning Uni Éropah.

Walikota Madrid yaiku Manuela Carmena. Padunung Madrid asring uga diarani madrileños.