Arnaldus Montebourg (natus die 30 Octobris 1962) est iuris consultus et politicus Francicus, ab anno 2012 minister renovationis industrialis, primo ministro Ioanne Marco Ayrault, et a die 31 Martii 2014 usque ad 25 Augusti eiusdem anni minister oeconomiae, primo ministro Manuele Valls.
Patre publicano, matre Leïla Ould Cadi erudita Algeriana, Arnaldus Montebourg Clamiciaci natus est. Divione in urbe et Fiscinis educatus, discipulus fuit Lycei Stephani Liégeard iuxta Bresconem. Alumnus est universitatum Divionensis et Parisiensis I necnon instituti scientiarum politicarum huius urbis.
© MMXXIII Rich X Search. We shall prevail. All rights reserved. Rich X Search