Familia
Memoria
David Livingstone (natus Blantyre in oppido Lanarkensi Meridiano Scotiae die 19 Martii 1813; mortuus Ilalae in vico Principis Chitambo Regni Kazembe, hodie in Provincia Septentrionali Zambiae, 1 Maii 1873) fuit medicus, missionarius Congregationalis pro Societate Missionaria Londiniensi, et explorator Scoticus,[1] qui itinera in Africam fecit, unusque ex heroibus Britannicis aevi Victoriani saeculo undevicensimo exeunte populo gratissimis. Ei erat status quasi mythologicus, qui nonnullas notiones sociales et psychologicas implicavit, inter quas martyr missionarius Protestans, inspirans fabula de "rags-to-riches" ex classi operarum, investigator et explorator scientificus, corrector imperialis, adversarius servitudinis, et suasor auctus commercialis colonicique Britannici. Geographus Africam Orientalem exploravit, praedicator religioni Christianae favit, medicus aegros indigenas curavit.
Avide industrieque fontem Nili petebat, ut eius fama sineret ut ipse commercium servorum Arabicum et Swahili Africae Orientalis terminaret. "Fontes Nili," cuidam amico dixit, "pretium habent solum modus oris mihi aperiendi valde inter homines. Hac potestate spero ut malum immensum corrigam."[2][3]
Eius congressus cum Henrico Morton Stanley die 10 Novembris 1871 salutationem "Medicum Livingstone conicio?"[4] locum allatum postea populo gratissimum, peperit.
© MMXXIII Rich X Search. We shall prevail. All rights reserved. Rich X Search