Falx fenatoria

Falx, vel falx fenatoria (vel stramentaria)^[1] est falx, qua herbae feni producendi causa secantur. Ferramentum incurvum vel aduncum capulae ligneae vel ferreae longiori infixum est.

Marcus Terentius Varro haec de faeno secando scripsit:

primum de pratis summissis herba, cum crescere desiit et aestu arescit, subsecari falcibus debet et, quoad perarescat, furcillis versari...^[2]

Falcarius est artifex qui falces facit^[3]. Cote falces acuuntur.