Forum Romanum

Haec pagina locus Romae tractat. Si aliud quaeris quod etiam “Forum Romanum” appellatur, vide Forum Romanum (discretiva).

Forum Romanum
Regio:	Regio VIII
Genus aedificii:	forum
Confectum seu sacratum:
Patronus:
Architectus:

Forum Romanum est celeberrimus Romae in media urbe situs, imperii Romani sedes. Aedificia magnifica et templa praeclara forum continebat. Multae reliquiae etiam nunc exstant, velut curia, templum Saturni, templum Vestae, et templum Concordiae.

In curia quondam senatores de imperio Romano consulebant. In Saturni templo quaestores aerarium custodiebant et administrabant. Vestales in templo Vestae rotundo flammam sanctam servabant; habitabant in atrio ad templum Vestae sito.

Romani non modo templa deorum dearumque, sed etiam basilicas magnas frequentabant, imprimis basilicam Iuliam. In basilicis mercatum habebant aut ius dicebant. Tecta basilicarum magnae columnae sustinebant.