Georgius Eduardus Moore

Georgius Eduardus "G. E." Moore (in suburbiis Londinii 4 Novembris 1873; Cantabrigiae Angliae, 24 Octobris 1958) fuit philosophus Anglicus. Cum Bertrando Russell, Ludovico Wittgenstein, et Gottlob Frege, fuit conditor traditionis analyticae in philosophia. Cum Russell, motum ex idealismo in philosophia Britannica abduxit, notionibusque sensus communis, commentariis de ethica, epistemologia, et metaphysica, atque "his exceptional personality and moral character"^[1] innotuit. Professor philosophiae in Universitate Cantabrigiensi, gratissimus inter (quamquam non particeps) gregem Bloomsburiensem, et editor Mind ('Mens'), ephemeridis auctoritate gravis, fuit. Socius Academiae Britannicae anno 1918 electus est. Socius Apostolorum Cantabrigiensium, intellegentis sodalitatis secretae, ab 1894 ad 1901 fuit.