Lexicon Helvetiae historicum

Prima tria volumina lexici Theodisce, Francogallice et Italiane edita

Lexicon Helvetiae historicum^[1]^[2] est opus anno 1988 coeptum, quo res gestae Helvetiae forma encyclopaediae demonstrentur.

Lexicon civitatis Helveticae sumptibus a circiter quadraginta operis sociis Marco Jorio historico moderante editur. Omnes lexici auctores universi plus quam 2 500 sunt.

Propositum est quotannis unum volumen emitti, ut lexicon anno 2014 tredecim volumina circiter 60 000 commentationum de personis, gentibus, locis et rebus amplectatur. Volumen primum anno 2002 in lucem editum est, anno 2009 octavum.

Opus tribus Helvetiae linguis, Theodisca, Francica et Italiana, divulgatur. Francice Dictionnaire historique de la Suisse (DHS) nominatur, Italiane Dizionario storico della Svizzera (DSS), Theodisce Historisches Lexikon der Schweiz (HLS).

Lingua Helvetiae quarta, Rhaetica, ab anno 1999 singulae commentationes editae sunt. Mense Decembri anno 2010 primum volumen Lexicon istoric retic (LIR) foras datum est consilio res gestas ac culturam pagi Grisoniae una cum regionibus adiacentibus demonstrandi.

Ab anno 1998 exstat versio interretialis nomine e-HLS (e-DHS; e-DSS), cui sunt commentationes universae imaginibus demptis.

↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
↑ Ad hoc nomen cf. titulum Latinae huius ipsius instituti editionis: Norbert Furrer, Glossarium Helvetiae historicum (Bernae: Historisches Lexikon der Schweiz, 1991)

[1] Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.

[2] Ad hoc nomen cf. titulum Latinae huius ipsius instituti editionis: Norbert Furrer, Glossarium Helvetiae historicum (Bernae: Historisches Lexikon der Schweiz, 1991)

[1]

[2]