Lingua Hibernica

Lingua Hibernica Gaeilge na hÉireann
IPA:	[ ˈgeːlʲɟə ]
Taxinomia:	Lingua Celtica e familia Indoeuropaea
Locutores:	1 800 000
Sigla:	1 ga, 2 gle, 3 gle
Status publicus
Officialis	Hibernia
Privata	—
Litterae:	Litterae Hibernicae
Scriptura:	Latina
Procuratio:	—
Familiae linguisticae coloribus Vicipaedicis pictae

Lingua Hibernica^[1] (Hibernice Gaeilge na hÉireann ; confer nomen Latinum "Gadelica") est lingua Indoeuropaea e ramo Celtico. Cum Gadelica et Monensi grex linguarum Goedelicarum seu Gadelicarum constituit.

Hibernica fuit olim omnium insulae Hiberniae incolarum lingua materna; hodie permulti ut sermo nationalis recognoscunt sed paucissimi quotidie utuntur: e saeculo sexto decimo inrepsit gradatim lingua Anglica. In parvis regionibus occidentalibus terrae, Gaeltachtaí appellatis, loquuntur homines Hibernice quotidie volubiliterque.

Secundum formam civitatis Irlandiae est lingua Hibernica lingua prima ex officio reipublicae; lingua secunda ex officio lingua Anglica est. Usque ab Kalendis Ianuariis anno 2007 lingua Hibernica est vicesima tertia lingua ex officio in Unione Europaea.