Petra (Iordania)

Khazne al-Firaun ("Thesaurus Pharaonis") visus per fauces, quibus urbs intratur.

Petra (Graece Πέτρα [ˈpɛtʁa] „Saxa“, Arabice البتراء al-Batrā’, Lingua Nabataea probabiliter Reqem vel Reqmu „Rubra“) reliquiae sunt urbis antiquae in civitate hodierna Iordania, quae olim fuit caput regni Nabataeorum. Propter sepulcra templorum immanium instar e saxis scalpta culturae monumentum maximi momenti habetur. Die 6 Decembris anno 1985 Petra in indice Patrimonii totius mundi posita est.