Fines
Forma
Gestio
Vita
Sigla
Regio Celiabinscensis vel Tscheliabinscensis[1] (Russice Челябинская область, tr. Čelyabinskaja oblast' ) est subiectum Foederationis Russicae, die 17 Ianuarii 1934 formatum (regione Uralensi Russicae SFSR Unionis Sovieticae dissoluta) et ab anno 2000 ad districtum foederalem Uralicum pertinens.
Haec regio, partim in montibus Uralicis, partim in margine occidentali planitiei Siberiae Occidentalis sita, cum re publica Baschkiria in occidente, regione Sverdloviensi in septentrione, regione Kurganensi in oriente,regione Orenburgensi in meridie et cum Kazachstania in meridio-oriente contermina, aream 88 529 km² et plus quam 3 475 milia incolarum (anno 2019) habet.
Metropolis eius est Celiabinsca, urbs secunda maxima Mons Magnes est, ceterarum urbium Miassus et Chrysostomia nominandi sunt. Flumina regionis Miassus, Tschussowa, Uius sunt; Kyzyles Superior et Inferior et Ufa hic oriuntur. Montes Urales Medii et Australes in regione siti sunt, quorum cacumina maiora Iremel et Iurma.
© MMXXIII Rich X Search. We shall prevail. All rights reserved. Rich X Search