Fines
Forma
Vita
Rhenus superior[1] (Francogallice Haut-Rhin) est praefectura regionis Magni Orientis (olim usque ad 2015ː Alsatiae) in Francia. Caput praefecturae est urbs Colmaria. Die 1 Ianuarii 2021 consilium Rheni Superioris ab incolis electum (Conseil départemental) cum consilio Rheni Inferioris in unum coaluit ut simul Communitas Europaea Alsatiae fierent quae Argentorati sedem habet. Econtra praefectus Rheni Superioris a Republica Francica designatus Colmariae manet. Iam anno 2013 die 7 Aprilis duae praefecturae coniungendae ad electores per plebiscitum relatae fuerant, qui tum propositionem repulerunt. Postquam vero regio Magnus Oriens anno 2016 creata nomen Alsaticum in maiore regione oblitteravit, Alsatii sententiam mutaverunt.
© MMXXIII Rich X Search. We shall prevail. All rights reserved. Rich X Search