Ricardus, vulgo Richard Ferrand (Segoduni natus die 1 Iulii 1962) est politicus Franciae.
Bünde in urbe Germaniae duos annos educatus, apud universitates Tolosanam et Parisiensem eruditus, Ricardus Ferrand iam annum duodevigesimum agens sodalis factionis socialisticae factus est. Diurnarius ett artifex graphicus laboravit apud diaria inter quae Le Monde, Centre Presse. Ab anno 1988 officinam graphicam direxit, sed ab anno 1991 consiliarius meruit iuxta politicum Kofi Yamgnane. Legatus est a die 27 Martii 1998 apud consilium praeefecturae Finis Terrae et a die 26 Martii 2010 apud consilium regionale Britanniae Minoris. A die 20 Iunii 2012, consilio praefecturali relicto, legatus est apud Conventum Nationale pro circulo Finis Terrae. Ab anno 2016 secretarius generalis meret factionis novae En marche!(fr) ab Emmanuele Macron conditae. Quo anno 2017 praeside electo, Ricardus Ferrand a die 17 Maii 2017 minister a provinciis meruit, primo ministro Eduardo Philippe, sed die 19 Iunii eiusdem anni dimissionem suam protulit.
© MMXXIII Rich X Search. We shall prevail. All rights reserved. Rich X Search