Scientista

Scientista^[1][2] est qui pervestigationem scientificam peragat ad notitias in quadam curiositatis provincia augendas.

Antiquis temporibus, notio scientistae reapse analoga nondum exstitit. Attamen, philosophi in philosophico naturae studio, scientiae naturalis prodromo, quod naturalem philosophiam vocarunt, versari coeperunt. Etiamsi Thales, qui inter annos 624 et 545 a.C.n. ferme florebat, inter primas scientistas referebatur qui quo pacto eventa cosmica naturalia haud necessario a dis effecta esse rerentur, describeret, usque ad saeculum undevicensimum terminus scientistae pervulgari coepit, postquam a Gulielmo Whewell, theologo, philosopho, scientiaeque historico anno 1833 in usu populari induxit.

Recentioribus temporibus, scientistae complures gradum academicum obtinent in provincia scientiae, cursumque honorum in variis oeconomiae sectoribus, utputa academia, industria, regimine, circumiecto non lucrativo assequntur.