Studia futurorum, etiam studia futura, studiologia,? et futurismus [1] appellata, est disciplina quae futura possibilia, probabilia, potiora postulat, cum cosmotheoriis et mythis quae ea sustinent. Eruditi inter se disputant num haec disciplina ars aut scientia sit. Studia futura pars scientiarum socialium generatim putari possunt, historiae consimilia. Historia quidem praeteritum, futurismus futura investigat. Studia futurorum res intellegere volunt quae probabilius persistent, ac res quae verisimiliter commutabuntur. Haec disciplina ergo rationalem et in exemplaribus conditam praeteriti et praesentis intellegentiam petit, cum futura eventuum et inclinationum verisimilitudine.[2] Studia futura, scientiarum physicarum (ubi ratio angustior et subtilior investigatur) dissimilia, multo maius et multiplicius systema mundanum tractant. Eorum methodologia et scientia sunt multo minus certa quam rationes et veritates scientiae naturalis vel adeo scientiarum socialium, sicut sociologia, oeconomica, scientia socialis et scientia civilis.
© MMXXIII Rich X Search. We shall prevail. All rights reserved. Rich X Search