Uashington D.C.

Uashington D.C. Washington, D.C.
Qytet dhe Qark Federal
Parimet:  Justitia Omnibus (Drejtësi për të gjithë)
Popullsia
• Gjithsej	601.723
Emri i banorëve	Uashingtonas
{{{postal_code_type}}}	20001-20098, 20201-20599
Faqja zyrtare	www.dc.gov

Uashington D.C. (anglisht Washington D.C.) është kryeqyteti i Shteteve të Bashkuara të Amerikës. Më 16 korrik 1790, Kongresi i Shtetet e Bashkuara miratoi krijimin e një distrikti të kryeqytetit siç lejohej nga Kushtetuta amerikane. Distrikti quhet Distrikti i Kolumbias dhe nuk është pjesë e ndonjë prej shteteve amerikane.

Shtetet Maryland dhe Virginia dhuruan toka përgjatë lumit Potomac për të formuar distrktin federal, megjithatë, Kongresi ja ktheu pjesën Virginias në 1846. Qyteti i Uashingtonit, i vendosur në lindje të ish portit të Georgetown, u themelua në vitin 1791 për të shërbyer si kryeqyteti i ri kombëtar. Kongresi e konsolidoi të gjithë distriktin nën një qeverisje të vetme bashkiake në vitin 1871. Qyteti është emëruar për nder të Xhorxh Uashington.

Washington, DC, kishte një popullsi prej 617.996 banorë në vitin 2011, duke qënë qyteti i 25-të më i populluar në Shtetet e Bashkuara. Banorë nga rrethinat pranë të Maryland dhe Virginia e rritin popullsinë e qytetit në mbi një milion gjatë ditëve të punës.

Qendrat e të tre degëve të qeverisë federale të Shteteve të Bashkuara janë në Uashington, duke përfshirë edhe Kongresin, Presidentin, dhe Gjykatën Supreme. Uashingtoni është vendi i shumë monumenteve dhe muzrumeve kombëtarë. Në qytet ndodhen 176 ambasada të huaja, si dhe selia e shumë organizatave ndërkombëtare, sindikatave, organizatave jofitimprurëse, grupeve lobuese dhe shoqatave profesionale.

Kryetari i Bashkisë i zgjedhur në nivel lokal dhe këshilli prej 13 anëtarësh të kanë qeverisur Distriktin që nga viti 1973, megjithatë, Kongresi mban autoritetin suprem mbi qytet dhe mund të përmbysë ligjet lokale. Distrikti i Kolumbias ka një delegat pa të drejtë vote në Kongres, por jo Senator. Amendamenti njëzet e tretë i Kushtetutës së Shteteve të Bashkuara, ratifikuar në vitin 1961, i jep Distriktit tre vota elektorale në zgjedhjet presidenciale.