Funguvisiwa la Malay

Funguvisiwa la Malay (kwa lugha kubwa za wenyeji: Nusantara, Kapuluang Malay, Kapupud-ang Malay) ni funguvisiwa lililoko kati ya Indochina na Australia^[1].

Jumla ya visiwa ni zaidi ya 25,000. Nchi zifuatazo zina maeneo katika funguvisiwa hili:

• Indonesia
• Ufilipino
• Timor ya Mashariki
• Brunei
• Malaysia (majimbo ya Sabah, Sarawak na Labuan)

Watu zaidi ya milioni 380 wanaishi juu yake. ^[2]

Kisiwa chenye watu wengi ni Java kikiwa na watu milioni 141. Kisiwa kikubwa ni Borneo (Kalimantan) ambako zinakutana nchi tatu za Indonesia, Malaysia na Brunei. Vingine vikubwa ni Sumatra, Sulawesi na Java huko Indonesia; pamoja na Luzon na Mindanao huko Ufilipino.

Kisiwa kikubwa cha New Guinea kwa kawaida hakihesabiki ndani ya funguvisiwa la Malay.

Funguvisiwa hilo ni kati ya sehemu za dunia zenye volkeno hai zaidi duniani.

Tabianchi ni ya kitropiki kutokana na ikweta kupita katikati ya eneo hilo.

1. ↑ Wallace, Alfred Russel (1869). The Malay Archipelago. London: Macmillan and Co. uk. 1.
2. ↑ Encyclopædia Britannica. 2006. Chicago: Encyclopædia Britannica, Inc.