Ucheki

Česká republika
Jamhuri ya Kicheki

Bendera Nembo
Kaulimbiu ya taifa: Pravda vítězí (Kicheki: "Ukweli hushinda")
Wimbo wa taifa: Kde domov můj
Mji mkuu	Praha 50°05′ N 14°28′ E
Mji mkubwa nchini	Praha
Lugha rasmi	Kicheki
Serikali Rais Waziri Mkuu	Jamhuri Petr Pavel Petr Fiala
' Kutokea kwa taifa Uhuru kutoka Austria-Hungaria Mwisho wa Chekoslovakia	Karne ya 9 (Dola la Moravia) 28 Oktoba 1918 1 Januari 1993
Eneo  - Jumla  - Maji (%)	78,866 km² (ya 117) 2.0
Idadi ya watu  - 2023 kadirio  - 2021 sensa  - Msongamano wa watu	10,827,529 (ya 85) 10,524,167 133/km² (ya 91)
Fedha	Koruna (CZK)
Saa za eneo  - Kiangazi (DST)	CET (UTC+1) CEST (UTC+2)
Intaneti TLD	.cz 3
Kodi ya simu	+4201

Ucheki au Chekia au Czechia (kwa Kicheki: Česko) pia Jamhuri ya Kicheki au Jamhuri ya Czech (kwa Kicheki: Česká republika) ni nchi ya Ulaya ya Kati na mwanachama wa Umoja wa Ulaya.

Imepakana na Poland, Ujerumani, Austria na Slovakia.

Mji mkuu ni Praha (Kijer.: Prag; Kiing.: Prague).

Miji mingine mikubwa ni Brno, Ostrava, Zlín, Plzeň, Pardubice, Hradec Králové, České Budějovice, Liberec, Olomouc na Ústí nad Labem.

Tangu zamani nchi imekuwa na kanda za Bohemia, Moravia na Silesia.

Wakazi husema hasa Kicheki ambacho ni lugha ya Kislavoni ya Magharibi.

Ni kati ya nchi ambako dini si muhimu kimaisha. Wakati wa sensa ya mwaka 2021, 56.9% ya wakazi walisema hawana dini yoyote, 30.1% hawakujibu swali husika, 11.7% walijitambulisha kama Wakristo (Wakatoliki 9.3% na madhehebu mengine 2.4%).