Lambak ng Cagayan

Region II CAGAYAN VALLEY
Sentro ng rehiyon	Lungsod ng Tuguegarao
Populasyon  – Densidad	2,813,159 104.8 bawat km²
Lawak	26,837.0 km²
Dibisyon  – Lalawigan  – Lungsod  – Bayan  – Barangay  – Distritong pambatas	5 4 89 2,311 10
Wika	Ilokano, Ibanag, Ivatan, Itawis, Gaddang, atbp

Ang Lambak ng Cagayan ay isang rehiyon sa Pilipinas at tinatawag ding Rehiyon II. Binubuo ito ng limang lalawigan: Batanes, Cagayan, Isabela, Nueva Vizcaya, at Quirino. Ang kabiserang panrehiyon ay ang Tuguegarao.

Ang rehiyon ay matatagpuan sa isang malaking lambak sa hilagang-silangang Luzon, sa pagitan ng kabundukang Cordilleras at ng Sierra Madre. Binabagtas ng Ilog Cagayan, ang pinakamahabang ilog sa bansa, ang gitna ng rehiyon at dumadaloy patungong Kipot ng Luzon sa hilaga.