Androido

Ĉi tiu artikolo temas pri roboto. Por informoj pri operaciumo por porteblaj aparatoj, vidu la artikolon Android.

Androido (de malnovgreka ἀνήρ – aner = „viro“ kaj εἶδος – eidos = „aspekto“ → "hom-forma", „hom-simila“) estas nomo por roboto aŭ sintezorganismo , kiu tre similas al homo kaj kondutas simile kiel homo. Androido do estas specifa humanoida roboto. La nocio de androido estis kreita en la futurologio kaj en scienc-fikcia literaturo. Alberto Magno estis la unua homo, kiu uzis la vorton "Androido" en 1270 kaj poste Auguste Villiers popularigis la vorton en sia romano "L'Ève future" .