Antibiotikum

Antibiotika (vo griechisch ἀντί- anti- „anstatt, gege“ und βίος bios „Lääbe“ mit ere latiinische Ändig; Äizaal Antibiotikum) si im ursprünglige Sinn niidermolekulari Stoffwäggselbrodukt vo Bilz oder Bakterie, wo natürlig bildet wärde und scho in ere chliine Konzentrazion s Waggsdum vo andere Mikroorganisme cha hemme oder die dööde.

Hützudags wird dr Begriff „Antibiotikum“ witer gfasst und er umfasst au Stoff wie Phytoalexin und Defensin us hööcher organisierte Lääbewääse wie Pflanze und Dier.