Aserbaidschan

Aserbaidschan (aserbaidschanisch: Azərbaycan) isch ä Schdaat zwüschen em Kaspische Meer und em Kaukasus. S hütige Schtaatsgebiet entspricht em nördlige Deil vo der historische Region Aserbaidschan, deren ihre südlig Deil isch än iranischi Provinz. Aserbaidschan gränzt im Norde a Russland (Dagestan), im Nordweschte a Georgie, im Süde an Iran und im Weschten a Armenie und - über d Exklave Nachitschewan - an d Türkei. Die Exklave und autonomi Republik Nachitschewan wird dur än armenische Gebietsschtreife vom aserbaidschanische Kärnland drennt. Nachitschewan gränzt im Weschten an d Türkei, im Süden an Iran und im Oschten a Armenie. D Hauptschtadt vo Aserbaidschan heisst Baku (aserbaidschanisch Bakı) und isch ä bedütendi Hafeschtadt am Kaspische Meer. D Gesamtflächi vo Aserbaidschan bedrait 86.600km².