Baltikum je pomjenowanje geografisko-historiskeje krajiny w sewjerowuchodnej Europje, při wuchodnym pobrjoze Baltiskeho morja a južnje Finskeho zaliwa. K baltiskim krajam słušeja po powšitkownej definiciji Estiska, Letiska a Litawska. Druhdy so tež k Ruskej słušaca Kaliningradska oblasć k tomu liči.
W Baltikumje je něhdźe šěsć milionow ludźi na přestrjeni wot 175.000 km² žiwych. Najwjetše město je letiske stolica Riga, kotraž leži při najwjetšej rěce regiona, Zapadneje Dwiny (Daugava). Druha najwažniša rěka je Njemen w južnej Litawskej. Peipuski jězor při estisko-ruskej hranicy je najwjetša wodźizna Baltikuma.
Jako zapřijeće jewi so Baltikum prěni raz za čas prěnjeje swětoweje wójny jako pomjenowanje wot němskeho wójska wobsadźenych teritorijow na sewjerowuchodźe. Pochadźa wot łaćonskeho mjena mare balticum za Baltiske morjo. We wšěch baltiskich rěčach ma słowo balt abo baltas woznam „běłe“.
© MMXXIII Rich X Search. We shall prevail. All rights reserved. Rich X Search