Blues

Da Blues is a Musiform, wo eppa ums Joar 1900 in de Vaeinigtn Stootn entstandn is. Da Blues is vo Afroamerikanan entwicklt worn und hod bis zan heitign Dog an groußn Eifluss af de nordamerikanische populeare Musi. Jazz, Rock, Rock 'n' Roll und Soul dadads ohne Blues goa ned gebm.

Da Blues basiad af oafochn Mustan. “Blues is easy to play, but hard to feel” (boarisch: Da Blues is leicht z spuin, owa schwaa z fuin), hod da Jimi Hendrix gsogt. A haifige Bluesform bsteht aus 12 Taktn; de Melodie wead dabei mit nua 3 Akkordn begleidd.