Cercozoos

Cercozoos
Cercomonas
Clasificación científica
Dominio: Eukaryota Reino: Rhizaria Filo: Cercozoa Cavalier-Smith 1998[1]

Os cercozoos ou Cercozoa son un grupo de protistas. Forman parte do supergrupo Rhizaria, e normalmente son considerados un filo e noutras clasificacións un reino.

O grupo inclúe a maioría dos protistas ameboides e flaxelados que se alimentan por medio de pseudópodos filosos. Estes pseudópodos poden estar restrinxidos a unha parte da superficie celular, pero sen que haxa nunca un verdadeiro citostoma ou "boca" como a que se atopa noutros protozoos. Presentan formas moi variadas ^[2] e son difíciles de definir en termos de características estruturais, aínda que a súa unidade como grupo apóiase en fortes evidencias procedentes dos estudos xenéticos. Os Cercozoa están moi relacionados cos Foraminifera e Radiolaria, ameboides, que xeralmente teñen cunchas complexas, e os tres grupos xuntos forman o supergrupo Rhizaria.

1. ↑ Cavalier-Smith, T. (1998). "A revised six-kingdom system of life". Biological Reviews of the Cambridge Philosophical Society 73 (3): 203–266. PMID 9809012. doi:10.1111/j.1469-185X.1998.tb00030.x. 
2. ↑ Cavalier-Smith T, Chao EE (2003). "Phylogeny and classification of phylum Cercozoa (Protozoa)". Protist 154 (3–4): 341–58. PMID 14658494. doi:10.1078/143446103322454112.