Chitans

Chitans Roma
Bandera chitana
Ninas chitanas en Espanya
Población total
12 millons (estim.)
Rechions con comunidaz importants
Europa, Irán, Brasil y Archentina.
Espanya 650.000 Rumanía 535.140 Turquía 500.000 Francia 500.000 Bulgaria 370.908 Hongría 205.720 Grecia 200.000 Rusia 182.766 Italia 130.000 Serbia 108.193 Reino Uniu 90.000 Eslovaquia 89.920 Alemanya 70.000 Macedonya d'o Norte 53.879
Idiomas
Romaní y idioma d'a rechión nativa
Relichión
Cristianismo Islam
Mapa

Os chitans^[1][2], cingaros^[2] u romanís^[2] son una etnia con orichen en o Panchab, y present en cuasi toz os estatos de l'ueste d'Asia y d'Europa. Tamién bi n'ha comunidaz en o norte d'Africa y en America. Ye a mayor minoría etnica d'a Unión Europea. En Aragón tamién son conoixitos como hongaros^[2] os chitans ambulants naturals d'os países d'Europa Oriental y Central.

A suya cultura presenta grans variacions seguntes o país d'acollida, pero a lo prencipio teneban toz un modo de vida nomada.

L'idioma etnico d'os chitans ye o romaní, d'a familia indoaria, pero en muitos países se n'ha perdito muito l'emplego. Por eixemplo en Espanya s'identifica o caló como sinyal d'identidat lingüistica d'os chitans, pero no ye a suya luenga propia, y ye un argot de base castellana que ha substituyiu a lo romaní.

As comunidaz chitanas se pueden clasificar a lo menos en tres brancas:

• Chitans d'Europa central y oriental u hongaros:
  • Lovari
  • Boyhas
  • Luri
  • Churari
  • Chitans de Turquía y Armenia.
• Chitans tradicionals u manuches ("personas de verdat" en romaní):
  • Valsikanés: en Francia.
  • Gaygikanés: en Alemanya.
  • Piamontesi: en Italia.
• Chitans mediterranios: en Portugal, Espanya, Occitania, Italia y Norte d'Africa.

En o caso d'Espanya, s'emplega o termin calé ta referir-se a los chitans.

1. ↑ (es) Ricardo Mur Saura Diccionario panicuto, con apéndice gramatical y recoplilación de textos, Alto Galligo, 2014, ISBN 978-84-934262-8-6, p.25
2. ↑ ^{2,0 2,1 2,2 2,3} (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.