Cikadelo

Cikadeloj
Dustria cikadelo, Eurymeloides bicincta
Biologia klasado
Regno: Bestoj Animalia Filumo: Artropodoj Arthropoda Klaso: Insektoj Insecta Ordo: Hemipteroj Hemiptera Superfamilio: Membracoidea Familio: Cikadeledoj Cicadellidae Latreille, 1802
Aliaj Vikimediaj projektoj
Sistematiko en Vikispecioj
Komunejo pri Cikadeloj
v • d • r

Cikadelo estas la komuna nomo por iuj insektaj specioj el la familio de Cikadeledoj. Ĉi tiuj etaj insektoj, estas plantomanĝantaj kiuj suĉas sukon de herboj, arbustoj aŭ arboj. Iliaj malantaŭaj kruroj estas modifitaj por saltado, kaj estas kovritaj per haroj, kiuj faciligas la disvastigon de sekrecio super iliaj korpoj, kiu funkcias kiel akvorezistilo kaj portilo de feromonoj.^[1] Ili spertas partan metamorfozon, kaj havas diversajn gastigajn asociojn, kiuj varias de tre ĝeneraligitaj al tre specifaj. Iuj specioj havas kosmopolitan distribuon, aŭ troviĝas tra la mezvarmaj kaj tropikaj regionoj. Iuj estas plagoj aŭ vektoroj de plantaj virusoj kaj fitoplasmoj.^[1] La familio estas distribuita tra la tuta mondo, kaj konsistigas la duan plej grandan hemipteran familion, kun almenaŭ 20 000 priskribitaj specioj.

Ili apartenas al genlinio tradicie traktata kiel infraordo Cikadomorfa en la Aukenorĥinka subordo sed ĉar ĉi-lasta taksono probable ne estas monofiletika, multaj modernaj aŭtoroj preferas aboli la Aukenorĥinkan subordon kaj levi la cikadomorfojn al klipeorĥinka subordo.

1. ↑ ^{1,0 1,1} Stiller, Michael (Oktobro–Decembro 2009). "Biosystematics: Leafhoppers associated with grasslands of South Africa – Grassland Biome endemics" (PDF). Plant Protection News. 82: 6.