Consolador

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Consolador (d'o latín < consolātor) u aconsolador (d'o verbo aconsolar), tamién conoixiu como dildo (de l'anglés dildo), ye un chuguet sexual, a ormino d'apariencia explicitament de pene, destinau a la penetración sexual u unatra actividat sexual entre a masturbación u con parellas sexuals.

Os consoladors son emplegaus por a humanidat dende fa muito tiempo. Por eixemplo, o consolador mas antigo d'o mundo ye de l'Edat de Piedra, se calcula que de 28.000 aC, y se trobó en a espelunga de Hohle Fels, amán de Schelklingen, en Ulm, Alemanya.^[1] Se tracta d'un falo de piedra muit polida que fa vinte centimetros de longaria y tres de diametro. Unatro de 27.000 aC estió trobau en Dolní Věstonice, Republica Checa.

1. ↑ (en) "Ancient phallus unearthed in cave" en a BBC