DNA-vicrivelado

DNA-vicrivelado estas fajna karakterizo de geno farita per sinsekvo-rivel-arto, tio estas koni la kvanton, la naturon kaj la vicordon de la nukleotidoj kiuj konsistigas ĝin. Koni la situon de nukleotidoj ebligas ekzemple koni la diversajn tranĉejojn por pli bone manipuli ilin. Fine, la en-silicia (perkomputila) tradukado de la nukleotida sinsekvo en aminoacidan sinsekvon ebligas eventuale konfirmi aŭ proponi funkcion por la proteino kodata de la geno.

Pluraj DNA-vicrivelaj teknikoj ekzistas, sed ni nur priskribos ĉi tie la principon de enzima vicrivelado per envicigo de dudeoksinukleotidoj. La dudeoksinukleotidoj (ddNTP) estas modifitaj deoksinukleotidoj kiuj kapablas integriĝi en sinteziĝantan DNA-fadenon, sed malebligante la envicigon de normale poste sekvanta nukleotido. Alidirite, la enviciĝo de ddNTP blokas la daŭrigon de DNA-plilongiga procezo.